Концепти

Зајакнување и мобилизација на граѓаните

Општина по мерка на граѓаните

Интеграција на Ромите

Проекти и програми кои се спроведуваат во рамки на концептите

Форуми во заедницата

Пристап до правда во Македонија

Регионална програма за поддршка на истражувања

Проект на УСАИД за граѓанско општество

Хуманитарна и правна помош за мигрантите

Граѓанско учество за локална демократија

Заедничка рамка за правно зајакнување

Мобилизација на локални организации и активизам во заедницата | 2017

Граѓанска акција за итни реформски приоритети | 2017

Инклузивни и транспарентни образовни политики | 2017

Проект на УСАИД за граѓанско учество | 2017

Граѓанска алијанса за транспарентност | 2017

Области

Слобода на изразување

Младинска ангажираност за општествени промени

Унапредување на човековите права во здравството

Мониторинг и документирање на човековите права

Борба против корупција

Буџетска транспарентност

Младински активизам | 2017

Здравствени политики базирани на човековите права | 2017

Програми

Образование

Информации

Медиуми

Правна програма

Јавно здравство

Програма за реформа на јавната администрација и локалната самоуправа

Исток-Исток: Прекугранични партнерства

Граѓанско општество

Регионална програма за поддршка на истражувања

Општо

Форуми во заедницата

Ние одлучуваме

Зајакнување и мобилизација на граѓаните
пронајди

Стоп за специјалната војна против граѓанското општество

Системскиот напад на граѓанското општество во целост, а особено на активистите за човекови права, новинарите, интелектуалците и уметниците е без преседан. Во последно време тие напади се заоструваат преку крајно вулгарните дисквалификации, лаги и манипулации кои имаат за цел да се дискредитира секој обид да се мисли и говори поинаку од власта. 

Човековите права, стабилноста и мирот во Република Македонија се во загрижувачки лоша состојба. Тоа е констатација на сите релевантни организации и институции во светот и кај нас. Овие наоди за состојбите во земјава се поткрепени и со меѓународните индекси за одредување на степенот на демократијата, владеењето на правото и човековите права, слободата на говорот и медиумите, како и индексот за мир и стабилност, во кои Република Македонија редовно бележи стрмоглав пад. Граѓанските организации во земјата со години алармираат на загрозувањето на демократијата и човековите права, но тие остануваат невидливи за јавноста поради масивната контрола на медиумите од страна на власта.

Институциите се злоупотребени и целосно партизирани и работат исклучиво во интерес на партиите на власт. Границата меѓу институциите на државата и партиите на власт е избришана. Изборниот систем е целосно корумпиран и во спротивност со основните демократски принципи, правила и законитост.

Политичкиот дијалог е мртов со години, а нашата земја се вброи меѓу малкуте европски држави во кои се констатира постоење на политички затвореници и каде стравот да се проговори пред отворената закана од прогон и други видови притисоци од власта е силно присутен насекаде.

Полицијата е милитаризирана и излегува на улиците со оклопни возила на кои се монтирани митралези, во полна воена опрема и не се воздржува од употреба на сила и бруталност за да спречи или задуши мирни протести.

Национализмот и верската нетрпеливост што ги промовираат двете партии на власт преку злоупотреба и контрола на институциите, помалите партии и медиумите предизвикува поделби, тензии и насилство меѓу етничките и верските заедници во земјата.

Сето тоа го загрозува мирот, стабилноста и угледот на Република Македонија.

Без дијалог и слобода нема мир!

Во пресрет на неколку одбележувања на важни меѓународни датуми, како што се Меѓународниот ден на мирот, 21 септември, Меѓународниот ден на толеранцијата, 16 ноември и Меѓународниот ден на човековите права, 10 декември, уште еднаш, јасно, гласно и недвосмислено, бараме од власта да престане со своите политики и практики од кои, на крајот, секогаш жртви се сите граѓанки и граѓани на Република Македонија.

Воедно, ја повикуваме власта да престане со специјалната војна против граѓанското општество и да им даде простор на слободната мисла и делување, како што е пропишано во Уставот и меѓународните документи на кои се обврзала Република Македонија.

Ги повикуваме сите граѓанки и граѓани на Република Македонија да дадат поддршка на мирот, толеранцијата и почитувањето на човековите права и слободи со тоа што ќе ни се придружат во напорите за враќање на демократијата во земјата.

________________________________________
Организации кои ги поддржуваат иницијативите за мир, ненасилство, толеранција и човекови права: Цивил – Центар за слобода| Хелсиншки комитет за човекови права на РМ | 8 Септември | Форум ЗФД | Младински образовен форум | Контрапункт | Метаморфозис | Фондација Отворено општество – Македонија | Центар за современа уметност – Скопје | ХЕРА | Прва Детска Амбасада Меѓаши | Субверзивен фронт | Национален младински совет | Излез | Центар за развој на медиуми | Акција Здруженска | Плоштад Слобода | Коалиција „Сексуални и здравствени права на маргинализираните заедници“ | Бори се женски | Реактор | Македонски центар за европско образование | НВО Инфо центар | Фронт за слобода на изразувањето


Клучни зборови

| граѓанско општество