Концепти

Зајакнување и мобилизација на граѓаните

Општина по мерка на граѓаните

Интеграција на Ромите

Проекти и програми кои се спроведуваат во рамки на концептите

Форуми во заедницата

Пристап до правда во Македонија

Регионална програма за поддршка на истражувања

Проект на УСАИД за граѓанско општество

Хуманитарна и правна помош за мигрантите

Граѓанско учество за локална демократија

Заедничка рамка за правно зајакнување

Мобилизација на локални организации и активизам во заедницата | 2017

Граѓанска акција за итни реформски приоритети | 2017

Инклузивни и транспарентни образовни политики | 2017

Проект на УСАИД за граѓанско учество | 2017

Граѓанска алијанса за транспарентност | 2017

Области

Слобода на изразување

Младинска ангажираност за општествени промени

Унапредување на човековите права во здравството

Мониторинг и документирање на човековите права

Борба против корупција

Буџетска транспарентност

Младински активизам | 2017

Здравствени политики базирани на човековите права | 2017

Програми

Образование

Информации

Медиуми

Правна програма

Јавно здравство

Програма за реформа на јавната администрација и локалната самоуправа

Исток-Исток: Прекугранични партнерства

Граѓанско општество

Регионална програма за поддршка на истражувања

Општо

Форуми во заедницата

Ние одлучуваме

Граѓанско општество
пронајди

ПРОМОЦИЈА НА КНИГАТА „ЦРН ПОНЕДЕЛНИК“

24-ти декември е израз на немоќта на власта




Фондацијата Отворено општество - Македонија(ФООМ) на 20-ти март организираше дебата по повод промоцијата на книгата „Црн понеделник“ ,во која се документирани настаните кои се случуваа пред, за време и по донесувањето на Буџетот на Република Македонија за 2013 година.

Започнувајќи ја дебатата, универзитетскиот професор Светомир Шкариќ посочи дека 24-ти декември е денот по кој сите мора да имаат поголема свесност за уставната деградација која и се случува на Македонија. Оттаму, Шкариќ повика на особена будност на правниците бидејќи не само на 24-ти декември, туку и многу пати претходно, владејачкото мнозинство донесувало Закони, и измени на закони, без притоа да се почитуваат уставните одредби и меѓународните декларации. Со тоа, смета Шкариќ, донесените закони стануваат партиски инструмент за остварување на партиски програми, а буџетот е донесен во приватна режија на коалициските партнери во Владата, за нивни партиски цели.

Насилството од „црниот понеделник“ не ја покажува силата на власта, туку ја покажува нејзината немоќ да се соочи со спротивставени аргументи и со различни мислења, оцени пратеничката Радмила Шекеринска. За неа, сите оние случувања околу 24-ти декември биле поттикнати од долгогодишното молчење на јавноста, а самиот чин на тепањето и бркањето на пратеници и новинари не било обичен инцидент туку високо организиран пуч, спроведен пред очите на првиот полицаец во државата. Таа изрази сомнеж од исходот на ад-хок комисијата, задолжена за расветлување на случајот од 24-ти декември, особено ако се земе предвид фактот што како претставници на ВМРО-ДПМНЕ учествуваат лица кои биле директно вмешани во бркањето на опозициските пратеници.

Според Љубиша Николовски, начинот на усвојување на Буџетот за 2013 година има и позитивна страна, односно, со случувањата од 24-ти декември опозицијата конечно почна да презема конкретни дела против самоволието на власта и заличи на вистинска опозиција. Според него, притисоците од власта во иднина ќе бидат се пожестоки, а жртви на таквите притисоци ќе бидат и членови на владејачките партии кои нема докрај да ги исполнуваат наредбите на партиските врвови. „Власта по овие настани од 24-ти декември најде оправдување за исфрлувањето на опозицијата од парламентот. Измисли дека тоа било сценарио што опозицијата долго го подготвувале. Измисли дека му се заканувале на спикерот, дека кршеле инвентар дека фрлале чаши, и тоа беше доволна причина тие да најдат изговор за исфрлувањето. Меѓутоа, до ден денес ниту премиерот ниту било кој претставник на власта не најде оправдување зошто ги исфрли новинарите од салата. “ нагласи Николовски.

На дебатата на која присуствуваа повеќе од стотина правници, професори, новинари и граѓански активисти, како општ заклучок се издвои потребата од санкционирање на нарачателите и извршителите на газењето на демократијата и владеењето на правото, кои се случуваа на 24-ти декември.



Преземете ја публикацијата

crn ponedelnik