Календар на активности > Архива на календарот на активности |Мини-концерт на „Шутка рома рап“ на 26 јуни Мини-концерт на „Шутка рома рап на 26 јуни
Скопскиот етно хип-хоп состав „Шутка Рома рап“ пред да замине на настап на реномираниот музички фестивал „Роскилде фестивал“ во Данска (http://roskilde-festival.dk/uk/bands/singleband/shutka-roma-rap/
), во недела (26 јуни) во 22 часот ќе одржи мини-концерт за скопската публика во арт-кафето „Менада“ во Старата скопска чаршија.
„Шутка Рома рап“ е името под кое настапуваат четворица од раперите кои беа дел од цедето „Шутка моето родно место“, а кои на сите живи свирки се придружувани од бенд. По успехот на цеде компилацијата која ја издаде Фондацијата Отворено општество – Македонија, следеа настапите во Белград, Загреб и Виена по што ќе следува и појавувањето на 1 јули на „Роскилде фестивал“. Инаку на патот до Данска, раперите Ne-Li, Al-Alion, Error и Fat Joe ќе ги споделат своите рими и на фестивалот „Домбош Фест“ (http://www.dombosfest.org/
) во Мали Иѓош (Србија), на кој ќе настапува и нашиот познат гитарист Влатко Стефановски. „Шутка Рома рап“ на 11 август ќе настапи и на фестивалот „Зигет“ во Будимпешта, Унгарија.
|
|
назад